| ► | فبراير 2012 | ◄ | ||||
| سبت | أحد | إثنين | ثلاثاء | أربعاء | خميس | جمعة |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | ||
هي رصدلبعض ما آلت اليه احوال القريه المصريه وخاصه الجنوبيه في صعيد مصر
وبعض المشاهد التي مازالت عالقه بذاكرتي
(ع القنطره)
لعبوا العيال..
وعلي رصيف القنطره…
قلدوا صوت الادان
والمغارب ذي القوارب
لملمت باقي النهار…
العشه تنده للحمام
والموج يجدف للشراع..
والماشيه ماشيه
ورا منها الصغار..
كل شئ روّح وكان..
وهنا يا حبيبتي..
وف نفس المكان
“الزمان باعني لزمان”
والمغارب زي القوارب
لملمت كل اللي كان
…………………………..
ع القنطره…………
وهنا…………
هنا ياحبيبتي…لعبنا وجرينا
ربطنا منديلنا وغمينا
ومين يمسك…
مين فينا….
لا لقيتك ………….
ولا لقتيني
لا عرفتك…
ولا عرفتيني
توهنا ف مكانا
وف وسط لمتنا
لا عرفوا حكايتناولا…
عرفتنا سكتنا
وايه اللي باقي من اللي كان..؟
فلانه قالت……….
قال فلان………
مره الحلال
مره الحرام…….
عقدونا وضلموا حتي النهار
خوّفونا من درانا..وكان خيال
يا بكره ليه حاسك تقيل.. ذي الجبال
شايلك بكفيني وصغار…
صغار
…………………………
ع القنطره
دبحوا البنيه
وشئ هناك ضلم
طار الحمام…
ومحدش اتكلم
عندما اقرأ هذه القصيده اشعر بالبروده حتي وان كنت في شهر يونيه…ما السر
فهل احتاج الي دفئ…. واي نوع من الدفئ احتاج..
وخارجي يشتعل…………………………..!!!!!!!!!!!!!!!!!!!!!!1
(شتويه)…
دوّبت جسمي..
ندهتها لي باسمي
وصحت اللي فاكره مات..
………………………………….
فاكره يا شتويه….؟
فاكره ولا منسيّه..
دي العشيه….
في نص يناير…
والمطر..
والبرق نازل
يغسل الذكري.
ويقفل الشباك
واحنا…
مش احنا…!
كنا هناك………….
لبستنا هدومنا ..ومشيّت
في المدي غابت..
ومن المدي هلّت
.”.وعمي “حداد
لساه بيتني ويتلّت
وفيروز….
ع الجروح غنت…
“كان الزمان وكان”
..واتفرقت لمّات
توصل م بينا القنطرة
تفصل م بيناالمسافااااااااااات
..في التوهه
..وفي اللقايات
يا بنفسجيه للذكري…
هذه القصيده من اجمل قصائد الديوان بالنسبه لي…ولم استغرق في كتابتها سوي بضع دقائق..وكانت نابعه بصدق من داخلي..
كنت انظر الي عينيها فأري ..حقول ..وبحار وانهار..وبيوت كنت احب اهلها واشجار مثمره
ليتها تجعلني اسكن فيهما……………..
….. ( وطن قديم )
هي ايه العين ديه..عشان تبكي
اللي بيبكي القلب ياحبيبتي..
والذكري اقدم م الميلاد..
من غير منمشي تشدنا..
لنفس الميعاد…
وحين البعاد…
شريط الذاكرة بتعيده…
مهما البلاد…بتاخدنا اوهامها..
في دمنا يسبح وطن…
ووطنا اصغر م القري..
ومن النجوع
ومن البيوت النايمه فوق بعضيها
ليل ونهار
من عقول الناس..في الضلمه زمان
من نظرتي لبكره..بغير اهتمام
وطن قدييييييييييييم ومن زمان
بنزوقوا الشمس فيه..
ونفرح فجرنا بيها..
ولما نبرد من هواه..
بنحرقوه
ونرمدوه
ونطيروه..
ويتدفوا بحواديتنا…
في البيوت اللي بتسهر للعشا
ونشم ريحته….في الهدوم وفي الكلام..
وفي الطريق الموحشه..
ونح
الواد الحبوب……….
(هي معاناة جيل بأكمله)
……………………………………………………………………………………
وشربت الشاي…
كان مر…؟ مدريت..
من مر الايام ومشيت..
مخنوق ..مليان بالحسرة وبالغيره
من الواد الحبوب…
فرحان بشبابه وبالدنيا..
وحالق لي كبوريا..
وبيضحك ديما هستريا..
حتي الموت بينكّت فيه
ويضحك كل الناس من حواليه..
(بالنكت البايخه)….
وانت حبيبتك..زهقت منك
من طيلة همك…
من خوفك ع الدنيا بحالها..
كل م تقعد وياها تسيب..
فوق خدينها الدمع وترحل
(ملعونه العيشه معاك..دي تطهق)
..كان واقف هو وهي ف آخر الشارع
ايده ف ايدها…وهي بتضحك ك ك ك
كان نفسي تكون ..
الضحكه دي ليا
ازرعها ف قلبي
جعان لها قوي واكتر..
من دا العالم دمع في صدري
(2)
الواد الحبوب…….
سرقك
وملك..زمنك
ذي معايزه..كان له بيمشي
واخد بيتك ويا بطاقتك غرمياتك حتي مرايتك……
والمشوار اللي مرحتوش..
كان ماشي
العمر كله عربيات……
صدمتني……….
وانا صغير…
حدفتني هناك…بره زماني
انسان في زمان مش انساني
في حاجات نقصاهم…مش نقصاني
وكل الدنيا..ليه معنداني….!
ودايسه علي بالعجلات….
العربيات…………………….
العمر كله عربيات..
كانت ح تاخدني لقدري….؟
قدري اللي مقدرنيش
وواعدني بأني ح اعيش
وفات علي وعده ليه…كتير سنوات
قطعت فيها كل الناس مسافات..
وانا واقف وحدي….
مبحتر ع الطرقات..
في مواقف ومحطات…
مستني…..
…
احزاني هي احزانكم فأنا اعيش معكم وبكم…
عندما سألت..كيف يصيب الشاعر قلت..هناك شعرة بين الشاعر والناس.ان امسكها ….؟
وتتوالي قصائد الديوان بين مراهق وشاب وشيخ…..وبيني وبين طفولتي شعرة ليتني امسكت بها ولم ادعها تذهب…
فجأه صحوت ولم اجدها وهي التي رافقتني صباي.
بنت الجيران…..
.(كان الجدول ديق..وفضلنا نعوم مع بعض ..لحد م كبرت…ووو.
كنت ابصلها ونضحك..
نتفابل صدفه ف مره..
يولد جوانا احساس من تاني ويكبر
عنيها..لسه م بقيتش لئيمه..
وخدودها بتخجل..
كان قبل م انطق وافكرها..
علي بقي تدوس صوابعها..
تقلي اسكت ولا اروّح..
صوابعها صوابع ملبن
مرشوش فوق منها السكر
ابوسهم..ف تروح تزعل
لو مره زي زمااااااان….
مش أكتر..
تصلب لي صابعين ايدها ..يعني محاربه
وتمشي تروّح….
انا في ناحيه..
وهي ف ناحيه
مين فينا يتكلم لوّل…؟
مين فينا نفسه الاقصر
ساعه اقدم…
ساعه تأخر..
والسكه هي الأقصر
وح تدخل بيتها..يا ويلي
ودموعها فوق خدينها
انها اقدم قصائد الديوان
(مرثيه من ضلي)
بتهددك شيبه..
وبتراوضك لئيمه
غنيمه الحزن..
وغنيه الذليله…
يا صانع الفخار ..
ليه سويته .. زي ليله
يسلخ في جلده العار..
وتشوكوا قِبل القبيله
قِبله في قلبك….
مبسوط عليها..
كدبة زمانا.. ومبسوطه
يمة وراك…
مرصوده …
خطة الزمن…
في الوحله مربوطه
عله وعيله…
ويومين…..
كل يوم بيترتروا
ويولدوا ويكبروا
ويصبحوا هما السنين
راحوا ومش راجعين
…………………………….
مرثيه من ضل لضلي
وبهيه ع النول بتغزلك
سر كان… في قلبها عشقك
ولما تعود… تلململك
ربابه بتحكي موالك
وكالعاده…..
بدون م تفشي عنوانك
تشوقنا…
تفر قنا…
يا جده م تكملي الحواديت
قوام يدخل علينا الديك
وبصياحه….
يهزالليل….
وكام نجمه
مادا ودنها بتسمع..صدي ا لكلمه
ولماالبرديقرصني
اقوم صارخ
اكون مرمي علي شطك
من امبارح….
شادد شراع.
ممكن تكون تذكار….
(وردة)
لساها مطويه…
بين ضلفتين القلب
دخلت رياح….
ومعاها الندي والبرد
ضميت لها صدري…
م لقيتوا صداها………..
ساعة بخور الورد
…..؟
عدي الهوا
الديوان الاول للشاعر..
صدر عام1999
بعنوان -يا مغربي الحزين
يقول……………………
يامغربي الحزين..
لفت بيك السنين
مش عارف مين..من..مين
هارب ولا غارب
باعد ولا قارب
طاير ولا سجين..
يا مغربي الحزين
يا غالي وباعوك
ياطيب وي داسوك
يا حنين وقسوووك
في الضلمه وي قتلوك
اعمي ولا بصير
قاتل ولا قتيل..؟
يامغربي الحزين
يا مغرب الاصحاب
في سكة الاغراب
مادد ايده غريق
بينادي ع الاحباب
ومين يفكر مين..ها
ومين يفكر مين..
يا مغربي الحزين
يا مغرب الاحلام
في قسوة الايام
بعدت فيها الامال
يا فارس يا بو حصان
ارجع من دا الزمان
غير شكل السنين..
يا مغربي الحزين
يا مغربي اللي غارب..
يا ململم القوارب
م تقرب المسافات
يا مغربي وساعات
بلقاني ذي يتيم
مش عارف عشقي لمين
يا مغربي وحزين
……………………………………….
